ट्राफिक जाम र प्रदूषण बढेपछि सार्वजनिक सवारी दर्ता बन्द

विभागका अनुसार सार्वजनिक यातायातको प्रभावकारी व्यवस्थापन हुन नसक्दा वायु प्रदूषण बढ्दै गएको, सडकमा सवारीको अत्यधिक चाप सिर्जना भएको तथा ट्राफिक जामका कारण यात्रुहरूलाई आवतजावतमा समस्या भइरहेको छ । यस्तै, इन्धनको मूल्यवृद्धिले सार्वजनिक यातायात क्षेत्र प्रभावित भएकाले हालको प्रणालीलाई व्यवस्थित गर्न नयाँ दर्ता रोक्ने निर्णय गरिएको जनाएको छ ।

विभागले ‘सवारी तथा यातायात व्यवस्था ऐन, २०४९’ को दफा २४ उपदफा (३) अन्तर्गत प्राप्त अधिकार प्रयोग गर्दै निर्णय लागू गरिएको स्पष्ट पारेको छ । उक्त कानुनी व्यवस्थाअनुसार वातावरण प्रदूषण, सडकको अवस्था, सवारी चाप तथा सार्वजनिक हितलाई ध्यानमा राखेर सवारी दर्ता रोक्न सकिने प्रावधान छ ।

यो निर्णय विद्युतीय (ईभी) सार्वजनिक सवारी साधनमा समेत लागू हुने विभागले जनाएको छ ।