सम्झौताको औपचारिक हस्ताक्षर शुक्रबार स्विजरल्याण्डमा हुने बताइएको छ। पाकिस्तान र कतारको मध्यस्थतामा भएको वार्ताले अमेरिका र इरानबीचको १०० दिनभन्दा लामो सैन्य तनाव कम गर्ने आधार तयार गरेको छ।
प्राप्त विवरणअनुसार प्रारम्भिक सम्झौतामा होर्मुज जलडमरूमध्यलाई पुनः व्यावसायिक जहाज आवागमनका लागि खुला गर्ने, सैन्य गतिविधि रोक्ने तथा इरानको आणविक कार्यक्रमबारे थप वार्ता गर्ने सहमति समावेश छ।
यद्यपि इरानको युरेनियम भण्डारण, युरेनियम प्रशोधन र दीर्घकालीन आणविक कार्यक्रमका विषयमा अझै अन्तिम सहमति हुन बाँकी रहेको बताइएको छ। यी विषयमा आगामी ६० दिनभित्र थप वार्ता हुने जनाइएको छ।
अमेरिकी राष्ट्रपति डोनाल्ड ट्रम्पले सम्झौता नजिक पुगेको बताएका छन् भने इरानी अधिकारीहरूले पनि वार्ता सकारात्मक दिशामा अघि बढिरहेको प्रतिक्रिया दिएका छन्।
सम्झौताको खबर सार्वजनिक भएसँगै विश्व बजारमा तेलको मूल्य उल्लेखनिय रुपमा घटेको छ भने शेयरको मुल्य बढेको छ ।
प्रतिक्रिया दिनुहोस्