काठमाडौँ । विशेष अदालतले घुस (रिसवत) प्रकरणमा पूर्वमन्त्री राजकुमार गुप्तालाई पूर्पक्षका लागि थुनामा राख्न आदेश दिएको छ। गुप्तामाथि ७८ लाख रुपैयाँ घुस लिएको आरोप रहेको र उक्त आरोप पुष्टि हुने आधार भेटिएको भन्दै अदालतले भ्रष्टाचार निवारण ऐनअनुसार थुनामा राख्ने निर्णय गरेको हो।
अदालतले जरिवाना र घुसको रकम जफत हुने व्यवस्था पनि लागू हुने गरी आदेश जारी गरेको छ। विशेष अदालतका न्यायाधीश सुदर्शनदेव भट्ट, डिल्लीरत्न श्रेष्ठ र विदुर कोइरालाको संयुक्त इजलासले सो आदेश दिएको हो।
आदेशमा उल्लेख भएअनुसार गुप्ताले सङ्घीय मामिला तथा सामान्य प्रशासन मन्त्री तथा सांसद पदमा रहँदा अन्य व्यक्तिहरूलाई प्रयोग गरी घुस लिएको प्रमाण फेला परेको छ। गुप्ता नेकपा (एमाले)बाट पर्सा–३ बाट निर्वाचित सांसद हुन्। उनी केपी शर्मा ओली प्रधानमन्त्री रहेका बेला मन्त्री बनेका थिए।
प्रतिक्रिया दिनुहोस्