भारतका प्रियांक पञ्चाल डेब्यू खेलमै चम्किएपछि कर्णाली याक्सले दोस्रो संस्करणको नेपाल प्रिमियर लिग (एनपीएल)को पहिलो खेलमा चितवन राइनोजलाई १६७ रनको लक्ष्य दिएको छ।पञ्चालले ४८ बलमा ७ चौका र ६ छक्कासहित ९० रनको दमदार अर्धशतकीय पारी खेले।
त्रिवि क्रिकेट मैदानमा टस हारेर पहिले ब्याटिङ गरेको कर्णालीले निर्धारित २० ओभरमा ३ विकेट गुमाउँदै १६६ रन बनायो ।
कर्णालीका लागि पवन शरार्फले २७ रन बनाउँदा म्याक्स ओ’डउडले २० रनको योगदान गरे । मार्क उडले १७ रन जोडे । चितवनका शैब जेब, रवी बोपरा र सोहिल तनविरले एक–एक विकेट लिए ।
गत सिजन दोस्रो क्वालिफायरमा पराजित भएको कर्णाली यो सिजन जित निकाल्दै सुखद सुरुवात गर्ने योजनामा छ । यता इलिमिनेटरबाट आउट भएको चितवनको लक्ष्य पनि सोही हुनेछ ।
प्रतिक्रिया दिनुहोस्