विश्व बैंकको वार्षिक बैठकमा सहभागी हुन अमेरिकामा रहेका अर्थमन्त्री रामेश्वरप्रसाद खनालले बुधबार एसियाली विकास बैंक (एडीबी) का अध्यक्ष मासातो काण्डासँग भेटवार्ता गरेका छन् ।
भेटमा नेपालमा एडीबीको सहकार्यमा सञ्चालित परियोजनाहरूको प्रगति, उपलब्धि र कार्यान्वयनका चुनौतीबारे विस्तृत छलफल भएको अमेरिकास्थित नेपाली राजदूतावासले जनाएको छ ।अर्थमन्त्री खनालले नेपालका पूर्वाधार, ऊर्जा, शिक्षा र आर्थिक सुधार क्षेत्रमा एडीबीको सहकार्यले महत्वपूर्ण योगदान पुर्याएको उल्लेख गर्दै आगामी दिनमा पनि सहकार्य अझ सुदृढ बनाउने इच्छा व्यक्त गरे ।
त्यस क्रममा एडीबी अध्यक्ष काण्डाले नेपालमा दिगो विकास र लगानी वातावरण सुधारका प्रयासमा निरन्तर सहयोग गर्ने प्रतिबद्धता जनाएका थिए । भेटमा अमेरिकाका लागि नेपालका राजदूत लोकदर्शन रेग्मी, दूतावासका आर्थिक कन्सुलर युगराज पाण्डे, भ्रमण दलका सदस्य र एडीबीका वरिष्ठ अधिकारीहरूको पनि उपस्थिति थियो ।
प्रतिक्रिया दिनुहोस्