जेठ २६ गते, सोमबार – सान्भि इनर्जी लिमिटेडको साधारण सेयर (IPO) बाँडफाँट आज सम्पन्न भएको छ। कम्पनीको शेयर निष्काशन तथा बिक्री प्रबन्धक नेपाल एसबिआई मर्चेण्ट बैंकिङ लिमिटेडको कार्यालय, ठमेल, काठमाडौंमा आईपीओ बाँडफाँट गरिएको हो। कम्पनीले जेठ ९ गतेदेखि १३ गतेसम्म सर्वसाधारणका लागि कुल २४ लाख १५ हजार ३०० कित्ता सेयर निष्काशन गरेको थियो। यो सेयरको अंकित मूल्य प्रति कित्ता १०० रुपैयाँ तोकिएको थियो।
उक्त निष्काशनमा करिब २१ लाख १० हजार १५२ जनाले आवेदन दिएका थिए, जसअन्तर्गत कुल आवेदन २ करोड ५९ लाख कित्ताभन्दा बढी रहेको थियो। माग अत्यधिक भएकाले बाँडफाँट लॉटरी (गोलाप्रथा) प्रणालीबाट गरिएको हो।बाँडफाँटको नतिजाअनुसार २ लाख ४१ हजार ५३० जना आवेदकले १० कित्ताका दरले सेयर प्राप्त गरेका छन्। बाँकी करिब १८ लाखभन्दा बढी आवेदकले सेयर पाउन सकेनन्। कुलमध्ये ३ हजार ६७४ आवेदन विभिन्न कारणले रद्द भएका छन् भने २० लाख ३० हजार १५७ आवेदन वैध ठहरिएको थियो।
सर्वसाधारण तर्फ बाँडफाँट भएपछि अब लगानीकर्ताहरूले आफ्नो आवेदन स्थिति बुझ्नका लागि आफूले प्रयोग गरेको बीओआईडी नम्बर प्रयोग गरी सम्बन्धित बैंक वा मेरो शेयर प्रणालीमार्फत नतिजा हेर्न सक्नेछन्।
प्रतिक्रिया दिनुहोस्