आईसीसी पुरुष क्रिकेट विश्वकप लिग २ अन्तर्गत नेपालले स्कटल्यान्डविरुद्ध टस जितेर पहिले फिल्डिङ गर्ने निर्णय गरेको छ। नेपाली कप्तान रोहित पौडेलले पिच र मौसमको अवस्था हेरेर स्कटल्यान्डलाई ब्याटिङको निम्तो दिएका हुन्।
नेपालको प्लेइङ ११ मा कप्तान रोहित पौडेल, उपकप्तान दीपेन्द्र सिंह ऐरी, आसिफ शेख, कुशल भुर्तेल, भीम सार्की, आरिफ शेख, गुल्शन झा, सन्दीप लामिछाने, सोमपाल कामी, करण केसी र रिजन ढकाल रहेका छन्।
नेपाल लिग २ मा सबैभन्दा तल ६ अंकसहित रहेको छ र आजको खेलले आगामी खेलमा टिमको मनोबल मजबुत बनाउन मद्दत गर्नेछ। यो त्रिदेशीय सिरिज अन्तर्गत नेपालले स्कटल्यान्ड र नेदरल्यान्ड्ससँग क्रमशः चार एकदिवसीय खेल खेल्नेछ र पछि टी–२० सिरिज पनि हुनेछ।
त्रिदेशीय यो सिरिजमा नेपाल, स्कटल्यान्ड र नेदरल्यान्ड्स सहभागी छन्। सात महिनापछि एकदिवसीय क्रिकेटमा फर्किएको नेपालका लागि यो सिरिज लिग–२ मा टिकिरहन अत्यन्तै महत्वपूर्ण छ, जसका लागि जित आवश्यक छ।
यसअघि, सन् २०२४ को नोभेम्बरमा नेपालले अमेरिका, स्कटल्यान्ड र अमेरिकाको मैदानमा त्रिदेशीय सिरिज खेलेको थियो। नेपाल र स्कटल्यान्डबीच हालसम्म भएको आठ खेलको एकदिवसीय प्रतिस्पर्धामा नेपालले चारमा जित निकाल्दा स्कटल्यान्डले तीन जित दर्ता गरेको छ, भने एक खेल रद्द भएको थियो।
लिग–२ सुरु हुनु अगाडि नेपालले स्कटल्यान्डको ‘ए’ टिमसँग दुई अभ्यास खेल पनि खेलेको थियो, जसले टोलीलाई तालिमको अवसर प्रदान गर्यो।
नेपालको खेल तालिका अनुसार:
-
सोमबार: स्कटल्यान्डविरुद्ध
-
बुधबार: नेदरल्यान्ड्सविरुद्ध
-
आइतबार: पुनः स्कटल्यान्डसँग
-
मङ्गलबार: नेदरल्यान्ड्ससँग
प्रतिक्रिया दिनुहोस्