इन्टरनेट सेवामा क्लासिक टेकको वृद्धि, ग्राहक विस्तारमा दोस्रो स्थान

काठमाडौं । ग्राहकहरूको आकर्षण निरन्तर बढ्दै गएको हालै सार्वजनिक तथ्यांकले देखाएको छ । नेपाल दूरसञ्चार प्राधिकरण (NTA) ले सार्वजनिक गरेको तथ्यांकअनुसार नेपालका प्रमुख इन्टरनेट सेवा प्रदायक कम्पनीहरूमध्ये क्लासिक टेकले उल्लेखनीय रूपमा नयाँ ग्राहक थप्न सफल भएको हो ।

प्राधिकरणको तथ्यांकअनुसार २०८२ सालको फागुन महिनामा क्लासिक टेकका कुल ग्राहक संख्या २ लाख ७९ हजार ८४८ रहेकोमा चैत्र महिनामा बढेर २ लाख ८३ हजार ३७१ पुगेको छ । यस अवधिमा कम्पनीले ३ हजार ५२३ नयाँ ग्राहक थपेको देखिएको छ । नयाँ ग्राहक थप्ने दरमा क्लासिक टेक दोस्रो स्थानमा रहेको छ ।

इन्टरनेट सेवा प्रदायक कम्पनीहरूको ग्राहक संख्या

कम्पनीका अनुसार सहुलियत मूल्यमा गुणस्तरीय इन्टरनेट सेवा उपलब्ध गराउनु तथा अत्याधुनिक प्रविधियुक्त वाइफाइ–६ राउटर साना देखि ठूला सबै प्याकेजमा उपलब्ध गराइनुले ग्राहक आकर्षण बढेको हो । क्लासिक टेकले ५० एमबीपीएसदेखि ३०० एमबीपीएससम्मका ३ महिने तथा वार्षिक प्याकेजमा समेत वाइफाइ–६ राउटर उपलब्ध गराउँदै आएको जनाएको छ ।

इन्टरनेट जस्तो अत्यावश्यक सेवामा ग्राहक समर्थन तथा प्राविधिक सेवा भने कम्पनीका लागि चुनौतीपूर्ण रहँदै आएको कम्पनीले जनाएको छ । विशेषगरी वर्षायाममा मौसम परिवर्तन, फाइबर लाइन क्षति तथा विभिन्न प्राविधिक समस्याका बाबजुद पनि कम्पनीले सेवा विस्तार र ग्राहक सन्तुष्टिलाई प्राथमिकतामा राख्दै आएको बताएको छ ।

केही समयअघि क्लासिक टेकले ग्राहक समर्थन तथा टेक्निकल फिल्ड सपोर्ट सेवा सुधारका लागि विशेष सेवा अभियान सञ्चालन गरेको थियो । कम्पनीका अनुसार नयाँ ग्राहक विस्तारसँगै विद्यमान ग्राहकलाई प्रभावकारी सेवा उपलब्ध गराउनु पनि उत्तिकै प्राथमिकतामा रहेको छ ।

घरायसी सेवासम्बन्धी सहयोगका लागि ग्राहकहरूले ९८०२९२२३०४ मा सम्पर्क गर्न सक्नेछन् भने अफिसियल तथा कर्पोरेट सपोर्टका लागि ९८०२६२२३०३ नम्बरमा सम्पर्क गर्न सकिने कम्पनीले जनाएको छ । साथै, क्लासिक टेक मोबाइल एपमार्फत पनि ग्राहकहरूले आफ्नो समस्या वा सेवा सम्बन्धी टिकट दर्ता गर्न सक्ने व्यवस्था रहेको जानकारी दिएको छ ।

प्रतिक्रिया दिनुहोस्