नेपालका डिजिटल भुक्तानी सेवा प्रदायक आइएमई पेअन्तर्गतको खल्तीले अब अन्तर्राष्ट्रिय भुक्तानी सेवा सुरु गरेको छ। कम्पनीले स्ट्राइपसँग सहकार्य गर्दै नेपाली प्रयोगकर्तालाई सोझै खल्ती वालेटमार्फत विदेशबाट रकम प्राप्त गर्न सक्ने सुविधा उपलब्ध गराएको जनाएको छ।
यस व्यवस्थासँगै विदेशमा रहेका व्यक्ति तथा संस्थाले सजिलै खल्ती प्रयोगकर्तालाई भुक्तानी पठाउन सक्नेछन्। प्राप्त रकम सीधै प्रयोगकर्ताको खल्ती वालेटमा जम्मा हुने भएकाले प्रक्रिया सरल र सुरक्षित हुने कम्पनीको दाबी छ। यसले रेमिट्यान्स तथा अन्तर्राष्ट्रिय कारोबारलाई सहज बनाउने अपेक्षा गरिएको छ।
कम्पनीका अनुसार स्ट्राइपको सुरक्षित भुक्तानी संरचना र अन्तर्राष्ट्रिय मापदण्डअनुसारको प्रणाली प्रयोग भएकाले सेवा विश्वसनीय र पारदर्शी हुनेछ। यसबाट डिजिटल कारोबारमा विश्वास बढ्नुका साथै नेपालमा डिजिटल अर्थतन्त्र विस्तारमा टेवा पुग्ने विश्वास व्यक्त गरिएको छ।
खल्तीका प्रमुख कार्यकारी अधिकृत विनय खड्काले यो सहकार्यले नेपाली प्रयोगकर्तालाई विश्वव्यापी डिजिटल सेवामा पहुँच विस्तार गर्ने र अन्तर्राष्ट्रिय कारोबारलाई थप सहज बनाउने बताए। उनका अनुसार यो पहल नेपाली फिनटेक क्षेत्रमा महत्वपूर्ण उपलब्धि हो।
प्रतिक्रिया दिनुहोस्